Fishke de Gal

May 3

a regntog

אויף אַ הינטערגעסל אין קײמברידזש,
װײַט פֿונעם ים און טײַך,
האָב איך זיך געפֿונען אָן גאַלאָשן
אין װאַסער הױך װי אַ מבּול.
פֿון אַ האַלב-קאַפּוטן שירעם
האָב איך געמאַכט אַ גאַנדאָלאַ אַ קליינע
און זי גערודערט צו דיר׃
צום טורעם װוּ דו ביסט באַהיטן
װי אַ בּת מלכּה—אַ ראַפּונזל מיט װייניקער האָר.
און װאָס סע׳רעגנט מער װי פֿריער
מוז איך פֿאָרן גיכער און גיכער,
איידער דער קאַלטער װינט גנבֿעט מײַן היטל
און באַגיסט די אוקאַלעלע װאָס באַגלייט מיך שטענדיק
װײַל
װען דער זון שײַנט שײַנען מיר צוזאַמען
נאָר אין װעסנעצײַט זענען מיר צעשיידן
דורך רעגנטעג און אַלערגיעס
און מע דאַרף האָבן לידער כּדי צו דערמאָנען
אין װינטער
װען מע בלײַבט װאַרעם אין דער דירה
אונטער דרײַ קאָלדרעס,
מיט צװיי גלעסלעך טיי
און אַ לאָגל װײַן.

Apr 26

der shir hashirem funem shosey

אָטעמען, איז
די שװערסטע זאַך צו טאָן
װען פּלוצעם געדענקסט
װי ס׳הייבט זיך אָן ״1999״
שױן פֿאַרבײַ!
אָדער
װען נאָר װאָס דערזעסט אַ שפּור
פֿון אַ חבֿר װאָס איז נישטמער.
געזוכט נאָך אַ בליצפּאָסט און
געפֿונען אַ דיבוק.
שוין יאָרן זינט ער איז נעלם און גוגל
האָט צוריקגעבראַכט זײַן בקשה;
ס׳אַרט גוגל נישט צי כ׳װאָלט זי באַקומען.
צי לעבט ער נאָך, דאָרטן אין אַ סערװער-פֿאַרם?
,YouTube צי איז ער פֿאַרהאַלטן אױף
װוּ איך קאָן אים זעען און װידערזעען
?און װידער
ער איז מיר נסתּר אונטער זוכװערטער
װאָס באַלאַנגען צו אַנדערע.
אַז דאָרט מאַך איך דענקמעלער
פֿוּן װידעאָס װאָס מיר האָבן ביידע ליב געהאַט.
Purple Toupee אַנדדערע װאָלטן נישט געהאַלטן פֿון
ֹװי איינס פֿון די װיכסטיקע לידער פֿונעם פֿאַרגאַנגענעם יאָרהונדערט
און ס׳בלײַבט אונדזער שבלת.

Apr 22

halb likht

דו, אין װײַס,
שטייסט בײַם ברעג ים
אין אַ װיליאַמסבערגער זומער.
איך, אין רויט,
זינג לידער פֿון די נײַנציקער יאָרן,
צוליב דעם װאָס די נאַכט געהערט צו ליבהאָבערס,
אין אַ פּאַרק בײַם איסט ריװער.
איך װיל דײַן ליבע, און איך װיל דײַן נקמה,
נאָר איך קאָן דיך ניט זעען
דורך דער ליכטיקייט פֿון אַ ניו-יאָרקער נאַכט.
אַז איך זאַם זיך דאָ,
אוּנטער אַ הונגאַרישער לאַמטערן,
װוּ די ליכט איז אפֿשר האַלב-פֿינצטער,
װייך, כּדי מיך צו דערקענען
נאָר פֿון מײַן מישיגאַנדער קול
און דעם קלאַנג פֿון האַלב-געדענקטע לידער.

Mar 21

di sublimatsye sho

די סובלימציה שעה

שרײַבן שרײַב איך אױף ייִדיש
כּדי צו װערן מפֿורסם
און צו באַקומען מזומן און פּרעמיעס.
נאָר אין אַ נאָװענע טו איך אַ ליד
אײַנצובילדן אַנדערע לעבנס
מיט אַנדערע ליבעס, װאָס
אפֿשר הייבן זיך אָן מיט תּשוקה
און פֿײַער, נאָר ענדיקן זיך מיט זאַלץ און פּײַן.
נעם אַװעק דעם זאַלציקן קעז און פֿלעשלעך װײַן—און
ריר מיך נישט אָן אין קעלערס איבערגעפֿילט
מיט רױך, װאָס הילכן מיט דזשעז
און איראָנישע װערסיעס פֿון קייטי פּערי לידער.
כ׳האָב געקושט אַ מיידל אין אַ ליד נאָר דאָס צו פּרוּװן
און דער טעם איז געװען אומהײמלעך קאַלט.
שעפּטשע מיר ניט, תּאװה׃
כ׳װיל נאָר געלט.

Mar 18

http://yiddish.forward.com/node/3537

Elsewhere in Yiddish poetry: congrats to Leyzer on his award winning poem!

araynfir tsu a raplid mit gramen un grayzn

אַרײַנפֿיר צו אַ ראַפּליד
מיט גראַמען און גרײַזן
—-

יעדן טאָג הוסעלין, הוסעלין
יעדן טאָג אױף דער גרײַנד, אוױף דער גריז-אײַנד

איך רעד אײַן די שיקסעס,
וואָס טראָגן קרוסיפֿיקסעס
נאָר לעזן מײַנע סקיצעס
צו זײַן מײַנע פֿרײַנד!

און איך האָב ליב די ייִדענעס
װאָס טאַנצן צו די לידעלעס
קומענדיק פֿון די פֿידעלעס
און האָבן מיר פֿײַנט!

יעדן טאָג הוסעלין, הוסעלין
יעדן טאָג אױף דער גרײַנד, אױף דער גריז-אײַנד

Mar 17

in bodtsimer

אין באָדצימער

אין באָדצימער, מיט װײַן
װײַס װי די װענט, טרינק
איך דײַנע װאַרעמע זיפֿצן
װײַל כ׳האָב פֿאַרגעסן דעם פּראָפּנציער.
טאַנצן מיר צוזאַמען צו דער מוזיק װאָס שפּילט אונטן,
בום-בום-פּאָו און אַנדערע נאַרישקייטן,
בשעת מיר זינגען מער-באַליבטע לידער.
יאָ, מע ברענגט סעקסי צוריק, דאָ
צװישן דעם נעפּלדיקן שפּיגל און שמוציקע האַנט-טיכער, און
איך מיין אַז דאָס איז ליבע
אָדער ליים פֿון װעלכן צו מאַכן זי דעראױס.